ញ៉ាំផ្លែស្វាយមិនត្រូវពេល អាចប៉ះពាល់ដល់សុខភាព

0
250
  • ញ៉ាំផ្លែស្វាយ ពេលឃ្លាន

មិនថាជាស្វាយទុំ ឬស្វាយខ្ចីទេ អ្នកមិនត្រូវញ៉ាំទាំងពោះទទេរឡើយ។ អាស៊ីតនៅក្នុងផ្លែស្វាយនឹងជួយជំរុញដល់ក្រពះបង្កើនទឹកគ្រន្ថីក្រពះ និងបង្កើនហានិភ័យនៃជំងឺពោះវៀនផងដែរ។ ការញ៉ាំស្វាយពេលឃ្លានក៏ងាយនឹងធ្វើអោយអ្នកមានអាការៈដូចស្រវឹង ដែលជារោគសញ្ញាពុលជាបណ្តោះអាសន្នផងដែរ។

  • ញ៉ាំស្វាយខ្ចី បន្ទាប់ពីផឹកស្រារួច

អ្នកប្រហែលជាគិតថាស្វាយខ្ចី គឺជាគ្រឿងក្លែមដ៏សាកសមបំផុតជាមួយនឹងគ្រឿងស្រវឹងផ្សេងៗ។ ប៉ុន្តែការពិតទៅមិនមែនអញ្ចឹងទេ ស្វាយខ្ចីលាយជាមួយជាតិអាល់កុលក្នុងគ្រឿងស្រវឹង នឹងបង្កើតជាតិពុលដែលធ្វើឱ្យអ្នកងាយទទួលរងការពុល និងបំផ្លាញស្រទាប់ក្រពះផងដែរ។

  • ញ៉ាំស្វាយ និងគ្រឿងសមុទ្រក្នុងពេលតែមួយ

ទាំងផ្លែស្វាយ​ និងគ្រឿងសមុទ្រគឺសុទ្ធតែជាប្រភេទអាហារដែលងាយនឹងអាឡែកហ្ស៊ី។ ការញ៉ាំទាំងពីរមុខនេះក្នុងពេលតែមួយអាចបណ្តាលឱ្យមានបញ្ហារំលាយអាហារ, ហើមពោះ ឬរាគរូសផងដែរ។

  • ញ៉ាំស្វាយ ពេលអ្នកកំពុងឡើងទម្ងន់ខ្លាំង ឬមានជម្ងឺទឹកនោមផ្អែម

ផ្លែស្វាយ គឺជាផ្លែឈើមួយប្រភេទដែលមានផ្ទុកជាតិស្ករច្រើន។ ដូច្នេះសម្រាប់អ្នកដែលលើសទម្ងន់ ឬមានជម្ងឺទឹកនោមផ្អែម គួរតែដាក់កំហិតខ្លួនឯងក្នុងការញ៉ាំ។ សម្រាប់អ្នកដែលមានសុខភាពល្អក៏មិនគួរញ៉ាំផ្លែស្វាយច្រើនពេកនោះដែរ។ ក្រុមអ្នកជំនាញជឿជាក់ថាមនុស្សម្នាក់ៗគួរតែញ៉ាំត្រឹម ២០០-២៥០ក្រាម/ថ្ងៃ គឺជាវិធីល្អបំផុតក្នុងការផ្តល់សារធាតុចិញ្ចឹមចាំបាច់អោយបានគ្រប់គ្រាន់សម្រាប់រាងកាយ។

  • ញ៉ាំស្វាយជាមួយអាហារហឹរៗ

អ្នកមិនគួរញ៉ាំស្វាយជាមួយអាហារហឹរឬក្តៅដែលមានគ្រឿងផ្សំដូចជា៖ខ្ទឹមស, ខ្ទឹមបារាំង, ស្លឹកគូឆាយ, ខ្ញី, ស្រា, ម្ទេស, ម្រេច, ម្ទេសប្លោក, ឈើអែម, ផ្កាច័ន្ទ។ល។ ព្រោះវាអាចធ្វើឱ្យខូចតម្រងនោម។

ប្រែសម្រួល: Viiolette

LEAVE A REPLY

Please enter your comment!
Please enter your name here