ទោះបីជាអ្នកកំពុងតែចង់ដើរចេញពីជីវិតSingle, មានមិត្តប្រុស ឬមិនទាន់មានក៏ដោយ។ អ្នកគួរតែរៀនពីតិចនិកទាំងប៉ុន្មានខាងក្រោមនេះ។ ពីព្រោះមនុស្សប្រុសក៏ចូលចិត្តអោយគេមើលឃើញពីគុណតម្លៃ និងសរសើរខ្លួនផងដែរ។ បើបានតែប៉ុណ្ណេះមក ដឹងតែពេញចិត្តស្តូកតែម្តង។ តោះចាំអីទៀតចឹង មកមើលទាំងអស់គ្នា៖
១ ទោះបីជាគាត់ល្អប៉ុណ្ណាក៏ដោយ អ្នកត្រូវតែសរសើរគាត់
មនុស្សប្រុសមានភាពជឿជាក់លើខ្លួនឯងច្រើនជាងមនុស្សស្រី។ ប្រសិនបើអ្នកសួរគាត់ពីនេះពីនោះលេងៗហើយឈានដល់ចំនុចណាមួយដែលធ្វើអោយគាត់ចាប់អារម្មណ៍ និងពូកែខាងហ្នឹងស្រាប់នោះ។ កុំភ្លេចសរសើរគាត់ផង ដើម្បីអោយគាត់បានដឹងពីទឹកចិត្តរបស់យើងដែលមានចំពោះគាត់។
រូបតំណាង
២ សរសើររូបរាងរបស់គាត់
មិនចាំបាច់ទាល់តែតែងខ្លួនសង្ហារឥតខ្ចោះ ឬគិតថាគាត់គ្រាន់តែធ្វើបង្ក្រប់កិច្ចអីនោះទេ។ គ្រាន់តែគាត់ស្លៀកពាក់ដើម្បីណាត់អ្នកចេញក្រៅញ៉ាំអីហ្នឹង ក៏អ្នកអាចសរសើរគាត់បានដោយមិនចាំបាច់អៀនខ្មាសដែរ។ អ្នកគួរតែបង្ហាញការសរសើរទៅកាន់គាត់ នោះវានឹងធ្វើអោយគាត់សប្បាយចិត្តផងដែរ។
រូបតំណាង
៣ អរគុណដែលគាត់បានផ្តល់អ្វីៗគ្រប់យ៉ាងដល់អ្នក
កុំធ្វើអោយការលះបង់របស់ដៃគូអ្នកមើលទៅហាក់គ្មានតម្លៃ ដោយសារតែអ្នកទាំងពីរបានចំណាយពេលរស់នៅជាមួយគ្នាយូរហើយនោះ។ ទោះបីជាយ៉ាងណាក៏ដោយ អ្នកត្រូវតែដឹងគុណចំពោះអ្វីដែលគាត់បានផ្តល់អោយអ្នក និងលះបង់សម្រាប់អ្នក។ បែបនេះនឹងធ្វើអោយគាត់មានទឹកចិត្តធ្វើវាបន្តទៀតសម្រាប់អ្នកផងដែរ។
រូបតំណាង
៤ សរសើរចំពោះសមត្ថភាពការងាររបស់គាត់
ជាការពិតណាស់នៅពេលដែលគាត់មានភាពជឿជាក់លើខ្លួនឯង ហើយអាចសម្រេចគោលដៅការងារទៀតនោះ។ គាត់ច្បាស់ជាសង្ឃឹមថាអ្នកដែលជាដៃគូរនឹងមានការកោតសរសើរចំពោះគាត់។ ហើយការសរសើរមួយនេះដែរ មានតម្លៃជានរណាៗទាំងអស់ដែលអាចធ្វើអោយគាត់រីករាយ និងចងចាំពាក្យទាំងនេះផងដែរ។
រូបតំណាង
៥ សម្របខ្លួនទៅតាមភាសាញ៉ោះលេងរបស់គាត់
បុរសៗភាគច្រើនចូលចិត្តបង្កើតភាសានិយាយប្លែកៗរបស់ខ្លួន ដើម្បីទុកញ៉ោះលេងជាមួយមិត្តស្រីរបស់ខ្លួន។ ដូច្នេះមុននឹងខឹងគាត់ អ្នកគួរតែព្យាយាមយល់ពីភាសាលេងសើចរបស់គាត់អោយបានច្រើន។ បែបនេះគាត់នឹងអាចមើលឃើញស្នាមញញឹមរបស់អ្នក ជំនួសអោយភាពខឹងសម្បារផងដែរ។
រូបតំណាង
ប្រែសម្រួល: Viiolette
