តើអ្នកបានស្គាល់កំពូល Youtuber ទាំង១០របស់ស្រុកយើងហើយឬនៅ?

0
387

Youtube គឺជាវេបសាយមួយដែលអាចឲ្យអ្នកគ្រប់គ្នាចែករំលែកវីដេអូរបស់អ្នកទៅកាន់ពិភពលោក និងអ្នកជុំវិញខ្លួន ហើយអ្នកប្រើប្រាស់ Youtube សព្វថ្ងៃនេះមានរហូតដល់ទៅ ២ប៊ីលាន នាក់។ ថ្ងៃនេះ វាចា នឹងនាំលោកអ្នកទាំងអស់គ្នាមកស្គាល់ Youtuber ទាំង ១០នាក់ដែលមានចំនួនអ្នក Subscribe ច្រើនជាងគេបំផុតនៅក្នុងប្រទេសកម្ពុជាយើង គិតត្រឹមខែ​ កក្កដា ឆ្នាំ ២០២០ នេះ។ ចង់ដឹងថាតើ Youtuber ទាំងអស់គាត់ធ្វើ វីដេអូ ទាក់ទងទៅនឹងអ្វីខ្លះ កុំទាន់អាលទៅណាអានឲ្យចប់ណា៎។

១. VPROGAME

VPROGAME គឺជាឆានែលយូធូបរបស់កម្ពុជា ដែលផ្តោតសំខាន់ទៅការលេងហ្គេមគ្រប់ប្រភេទ ហើយមានអ្នក Subscribe រហូតដល់ទៅ 1.27M គិតត្រឹមខែកក្តដាឆ្នាំ២០២០នេះ។ មិនតែប៉ុណ្ណោះ VPROGAME ក៏ជាឆានែលយូធូបដែលផូសជាប្រចាំពីហ្គេមផ្សេងៗ ដែលមានអ្នក Subscribe ដល់ ១លាននាក់មុនគេបង្អស់នៅក្នុងប្រទេសខ្មែរផងដែរ។

នេះគឺជាវីដេអូដែលមានអ្នកមើលច្រើនជាងគេបំផុត។

២. Bro Kh

ឆានែលយូធូបរបស់ Bro Kh ត្រូវបានបង្កើតនៅថ្ងៃទី ៣០ ខែ មិថុនា ឆ្នាំ ២០១៧ ដោយប្រភេទ វីដេអូ ភាគច្រើនត្រូវបានដាក់ចូលក្នុងប្រភេទ រឿងកំប្លែង (Comedy) ។ មកទល់បច្ចុប្បន្ននេះមានអ្នក Subscribe រហូតទៅដល់ 884K។ វីដេអូភាគច្រើនរបស់គាត់ទាក់ទងទៅនឹងការលេងហ្គេម។

វីដេអូដែលមានអ្នកមើលច្រើនជាងគេបំផុត។

៣. Heng Visal

អ្នកណាមិនស្គាល់ Heng Visal ដែលជា Youtuber ល្បីម្នាក់នៅក្នុងប្រទេសយើងនោះ? ក្នុងឆានែល របស់គាត់ ភាគច្រើនផុសពីសកម្មភាពប្រចាំថ្ងៃរបស់គាត់ រឿងភាគខ្លីៗ វីដេអូដែលធ្វើឲ្យអ្នកមើលសើច និងវីដេអូផ្សេងៗជាច្រើនទៀតផងដែរ។ ឆានែលរបស់ Heng Visal មានអ្នក Subscribe ប្រមាណ 870K។

វីដេអូដែលមានអ្នកមើលច្រើនជាងគេបំផុត។

៤.Seak Vlogger

វីដេអូរបស់ Seak ភាគច្រើនថតជាមួយនឹង ស្រីស្អាត និងមានវីដេអូ Challenge ជាច្រើនទៀតហើយ Seak ក៏មិនភ្លេចផុសវីដេអូ ទាក់ទងនឹងសកម្មភាពប្រចាំថ្ងៃរបស់គាត់ផងដែរ។ Seak ក៏មានឆានែលហ្គេមមួយផងដែរ ដែលផ្តោតតែលើការលេងហ្គេម។ សព្វថ្ងៃនេះ Seak មានអ្នក Subscribe ដល់ទៅ 535K​ ហើយ។

វីដេអូដែលមានអ្នកមើលច្រើនជាងគេបំផុត។

៥. PhanRong- ផាន់រុង

ឆានែលដែលមានអ្នក​​ Subscribe ជាង 523K នេះផូសវីដេអូពីបទចម្រៀង Remix ជាច្រើនដែលគាត់ជាអ្នក Remix ផ្ទាល់។ ហើយឥលូវនេះគាត់ក៏ផុសវីដេអូទាក់ទងទៅនឹងរឿងកំប្លែងខ្លីៗ សកម្មភាពក្រៅឆាក សកម្មភាពផ្ទាល់ខ្លួន ហើយនិងPrankផងដែរ។

វីដេអូដែលមានអ្នកមើលច្រើនជាងគេបំផុត។

៦. RavenBlaze

បើអ្នកធ្លាប់ប្រើប្រាស់ Vine ប្រហែលជាបានស្គាល់ RavenBlaze ច្បាស់ជាមិនខាននោះទេ មកទល់ពេលនេះ RavenBlaze មានអ្នក Subsribe រហូតដល់ទៅ 492K។ ហើយវីដេអូភាគច្រើនរបស់គាត់ទាក់ទងទៅនឹងការ Reaction រឿងភាគខ្លីៗ សកម្មភាពប្រចាំថ្ងៃ វីដេអូ ដើរលេង ផ្សេងៗ។

វីដេអូដែលមានអ្នកមើលច្រើនជាងគេបំផុត។

៧. Bunleng Lay

Bunleng Lay មានអ្នក Subscribe ដល់ទៅ 471K វីដេអូរបស់គាត់ទាក់ទងទៅនឹង វីដេអូបែបកំប្លែង Prank វីដេអូបែបឆ្លើយនឹងសំណួរអ្វីមួយទាក់ទងនឹងសង្គម រឿងខ្លីៗ និងសកម្មភាពប្រចាំថ្ងៃរបស់គាត់ផ្ទាល់តែម្តង ។ល។

វីដេអូដែលមានអ្នកមើលច្រើនជាងគេបំផុត។

៨. Fa Seng

បើអ្នកធ្លាប់មើលវីដេអូបែបឆ្គួតៗ ឡប់ៗ តែមើលហើយទប់សំណើចមិនបាននោះអ្នកប្រាកដជាស្គាល់ថា​ ​Fa Seng ជានរណាមិនខាននោះទេ។ វីដេអូរបស់ Fa Seng ភាគច្រើនធ្វើទាក់ទងនឹងសកម្មភាពប្រចាំថ្ងៃ​ វីដេអូ Challenge វីដេអូប្លែកៗជាច្រើនប្រភេទ។ គិតត្រឹមខែកក្កដាឆ្នាំ ២០២០ នេះមានអ្នក Subsribe រហូតដល់ទៅ​ 414K ឯនោះ។

វីដេអូដែលមានអ្នកមើលច្រើនជាងគេបំផុត។

៩. HENG

បើនិយាយពី HENG អ្នកប្រាកដជានឹកឃើញដល់ DJ Sdey​ ព្រោះ HENG គឺជាកូនរបស់ DJ Sdey ដែលជា DJ ល្បីមួយរូបនៅក្នុងប្រទេសកម្ពុជាយើងអ្នកណាមិនស្គាល់? HENG ធ្វើបទចម្រៀង ធ្វើវីដេអូ Raction បទចម្រៀងផ្សេងៗ ហើយនិងធ្វើវីដេអូទាក់ទងនឹងសកម្មភាពប្រចាំថ្ងៃផងដែរ។ ចំនែកឯអ្នក Subscribe HENG វិញមានរហូតដល់ទៅ 373K។

វីដេអូដែលមានអ្នកមើលច្រើនជាងគេបំផុត។

១០. John Sey 

John Sey គឺជា Youtuber មួយរូបដែលផលិតវីដេអូទាក់ទងទៅនឹង បច្ចេកវិទ្យា ហើយជាពិសេសផ្តោតទៅលើបច្ចេកវិទ្យាលើទូរស័ព្ទ។ វីដេអូភាគច្រើនរបស់គាត់គឺការ Review ទូរស័ព្ទ ការចែករំលែកបទពិសោធន៍ប្រើប្រាស់ទូរស័ព្ទ និងព័ត៌មានផ្សេងៗ។ ឯអ្នក Subscribe វិញមានដល់ទៅជាង 336K។

វីដេអូដែលមានអ្នកមើលច្រើនជាងគេបំផុត។

សរុបមកនៅក្នុងប្រទេសកម្ពុជាយើងមាន Youtuber ជាច្រើននាក់ ហើយ វាចា លើកយកតែអ្នកជា Youtuber មានអ្នក​ស្គាល់ច្រើនជាងគេនោះទេ តើអ្នកទាំងអស់គ្នាគិតថា​នរណាគឺជា Youtuber Idol​ របស់អ្នក? យើងសង្ឃឹមថានឹងចែករំលែកអ្វីដែលល្អ និងថ្មីជូនដល់អ្នកអានទាំងអស់គ្នា ដូច្នេះកុំភ្លេច Like ​Page របស់យើងនិង​ ​Bookmark វេបសាយរបស់យើងទុកផង អរគុណទុកជាមុន។

LEAVE A REPLY

Please enter your comment!
Please enter your name here