ធ្លាប់ឆ្ងល់អត់ ម៉េចបាននៅSingleយូរម៉្លេះ?

0
305

អ្នកប្រហែលជាឧស្សាហ៍សួរខ្លួនឯងញឹកញាប់ណាស់ ហេតុអីបាននៅsingleដល់ឥឡូវចឹង? មានអីខុសប្រក្រតីទេដឹង? តោះឥឡូវមកមើល៎ តើបញ្ហារបស់អ្នកនៅត្រង់ចំណុចណាដែរ?

១ ដាក់លក្ខខណ្ឌខ្ពស់ពេក

ដូចយើងធ្លាប់បានលឺអញ្ចឹង គ្មានមនុស្សណាម្នាក់ល្អឥតខ្ចោះនោះទេ។ ស្តាប់ទៅហាក់ដូចជាពិភពលោកមួយនេះលំអៀងណាស់ ប៉ុន្តែវាជាការពិត។ ដូច្នេះកុំដាក់លក្ខខណ្ឌខ្ពស់ពេក ហើយកុំព្យាយាមដាក់កំហិតតឹងតែងលើខ្លួនឯងពេកផងដែរ។ អ្នកគួរតែរៀនសម្របខ្លួន ប្រសិនបើមនុស្សពីរនាក់មានអត្តចរិកដូចគ្នា និងមាននិស្ស័យជាមួយគ្នាហើយនោះ ហេតុអីមិនអាចបន្តនៅជាមួយគ្នាបាន?

២ មិនគួរខ្វល់ខ្វាយពេកទេ​ ប៉ុន្តែក៏មិនមែនអោយអ្នកទម្លាក់ចោលទាំងអស់ដែរ

វាជារឿងដ៏ល្អដែលអ្នកអាចមានទំនាក់ទំនងល្អ ហើយចេះផ្តល់ភាពសំខាន់ទៅកាន់ក្រុមគ្រួសារ និងមិត្តភក្តិ។ ប៉ុន្តែអ្នកក៏ត្រូវការក្តីស្រលាញ់ពីគូស្នេហ៍ ដើម្បីផ្តល់សំណើមដល់ជីវិត ក៏ដូចជាធ្វើអោយជីវិតរបស់អ្នកកាន់តែស្រស់បំព្រងជាងនេះផងដែរ។  ពេលនោះហើយអ្នកនឹងយល់យ៉ាងច្បាស់ពីអារម្មណ៍មួយនោះថាពិតជាខុសប្លែកគ្នាប៉ុណ្ណា។

៣ មិនអាចបំភ្លេចអតីតកាល

នៅពេលដែលស្រមោលនៃអារម្មណ៍ពីអតីតកាលមិនទាន់រលាយបាត់ អ្នកនឹងរមែងស្វែងរកមនុស្សណាម្នាក់ដែលមានស្រមោលស្រដៀងទៅនឹងគូស្នេហ៍ចាស់របស់អ្នក។ ការពិតទៅអ្នកគួរតែលាងសម្អាតអារម្មណ៍ទាំងនោះចេញ និងរៀនទទួលយកមនុស្សថ្មីផ្សេងទៀត។ អ្នកគួរតែផ្តល់ពេលអោយខ្លួនឯង តែក៏កុំបន្តោយយូរពេកដែរ។

៤ មិនចូលចិត្តសង្គមខាងក្រៅ

អ្នកគួរតែទុកកន្លែងទំនេរខ្លះសម្រាប់ខ្លួន​ឯង ដើម្បីបានជួបជាមួយមិត្តភក្តិថ្មី។ ដូច្នេះអ្នកអាចជួបជាមួយមនុស្សថ្មី ក៏ដូចជារកឱកាសថ្មីសម្រាប់ខ្លួន​ឯងផងដែរ។ កុំមានអារម្មណ៍ភ័យខ្លាច និងលាក់ខ្លួននៅតែក្នុងផ្ទះរហូតនោះឡើយ។ បែបនោះប្រៀបដូចជាអ្នកកំពុងតែបិទឱកាសរបស់ខ្លួនឯងផងដែរ។

៥ ប្រញាប់ប្រញាល់ជ្រុល

នៅពេលអ្នកមិនទាន់ប្រាកដខ្លួនឯង ឬពេលដែលទើបតែណាត់ជួបគ្នាលើកដំបូង អ្នកបើកបង្ហាញអារម្មណ៍ល្អៗ និងចង់វិវត្តន៍ទំនាក់ទំនងកាន់តែឆាប់ទៅដៃគូម្ខាងទៀត។ បែបនេះហាក់ដូចជាអ្នកកំពុងតែធ្វើអោយដៃគូម្ខាងទៀតខ្លាចរអានឹងអ្នក ហើយគេអាចនឹងឆ្អើមយើងផងដែរ។ ដើម្បីធ្វើអោយអ្នកទាំងពីរមានអារម្មណ៍ល្អទាំងសងខាង នោះអ្នកគួរតែចាប់ផ្តើមបន្តិចម្តងៗ និងស្វែងយល់ពីគ្នា, រៀនពីគ្នាអោយកាន់តែច្បាស់ទើបជាការល្អ។

ប្រែសម្រួល: Viiolette

LEAVE A REPLY

Please enter your comment!
Please enter your name here