រឿង៣យ៉ាងសម្រាប់មនុស្សស្រីវ័យ៤០ឆ្នាំគួរតែដឹង មុននឹងយឺតពេល

មនុស្សស្រីដែលស្ថិតក្នុងវ័យ៤០ឆ្នាំភាគច្រើនមានការសោកស្តាយដោយមិនបានដឹង និងបានធ្វើរឿងទាំង៣ចំនុចខាងក្រោមនេះទាន់ពេល។

• ចំណាយលើសុខភាពអោយបានច្រើន

មនុស្សស្រីនៅពេលដែលឈានចូលវ័យ៤០ឆ្នាំ រាងកាយងាយនឹងឡើងជាតិខ្លាញ់ហួសកំរិតដែលជាហេតុធ្វើអោយពូកគាត់មើលទៅហាក់មិនមានសុខភាពល្អសោះឡើយ។ ហើយពួកគាត់ភាគច្រើនឈឺចង្កេះ, ស្មារ, កញ្ចឹងក, មានអារម្មណ៍ងាកឈឺៗ, ដកដង្ហើមខ្លីៗ, ចង្វាក់បេះដូងលោតញាប់ និងវិលមុខផងដែរ។ ផលវិបាកទាំងនេះ គឺកើតមកពីអ្នកមិនព្រមធ្វើការហាត់ប្រាណកាលពីនៅក្មេង។ ចាប់ពីវ័យ២៥ឆ្នាំឡើងទៅ រាងកាយរបស់មនុស្សស្រីនឹងចាប់ផ្តើមជ្រេទាំងសម្រស់ និងសុខភាពផងដែរ។ ដូច្នេះហើយអ្នកគួរតែធ្វើលំហាត់ប្រាណអោយបានទាន់ពេលតាមដែលអាចធ្វើទៅបាន។ ដោយអ្នកអាចហ្វឹកហាត់ខ្លួនឯងអោយមានទម្លាប់ដើរហាត់ប្រាណ, ជិះកង់នៅពេលព្រឹក, ហាត់យូហ្គា, ទៅកន្លែងហាត់ប្រាណលើកដៃលើកជើង ដើម្បីអោយរាងកាយស្អាត, មានសុខភាពល្អ និងជីវិតល្អប្រសើរទៅថ្ងៃមុខផងដែរ។ ក្រៅពីនេះកុំស្តាយលុយនឹងទិញអាហារដែលមានសារធាតុចិញ្ចឹម និងវីតាមីនដែលអាចជួយអោយសុខភាព និងសម្រស់របស់អ្នកល្អប្រសើរចេញពីខាងក្នុងផងដែរ។

• កុំតឹងតែងចំពោះខ្លួនឯងពេក

កើតមកជាមនុស្សគ្មាននរណាម្នាក់ល្អឥតខ្ចោះឡើយ អ្នកណាៗក៏មានកំហុសដែរ។ ប៉ុន្តែអ្វីដែលសំខាន់គឺត្រង់ពេលដែលអ្នកធ្វើខុសហើយនោះ តើអ្នកអាចប្រែខ្លួនមកធ្វើរឿងល្អ ឬក៏នៅតែបន្តសាងកំហុស? ទាំងនេះក៏អាស្រ័យទៅលើបរិយាកាសជុំវិញខ្លួន និងភាពក្លាហានរបស់មនុស្សម្នាក់ៗផ្ទាល់ផងដែរ។ ទោះបីអ្នកជាម្នាក់ដែលសាងកំហុសក៏ដោយ ជាដំបូងអ្នកត្រូវតែរៀនទទួលយកការពិត និងខំប្រឹងកែប្រែខ្លួនឯង។ ប៉ុន្តែកុំតឹងតែងដាក់ខ្លួនឯង ឬធ្វើបាបខ្លួ​នឯងពេក ពីព្រោះចុងក្រោយមានតែអ្នកប៉ុណ្ណោះដែលរងការឈឺចាប់មួយនេះ។
មនុស្សស្រីដែលឆ្លាតត្រូវរៀនទទួលយកការពិត, អត់ទោស និងរៀនពីអ្វីដែលអាចធ្វើអោយខ្លួនឯងកាន់តែប្រសើរឡើងជាងនេះ។ ហើយសម្រាប់អ្វីដែលអ្នកធ្វើទៅមិនបានល្អ កុំបន្ទោសឬធ្វើបាបខ្លួនឯងក្នុងចិត្តយូរៗពេក។ អ្នកគួរតែផ្តោតលើការគិត និងរកវិធីមកដោះស្រាយអោយបានលឿនតាមដែលអាចធ្វើទៅបាន។ ហើយរៀនទទួលស្គាល់កំហុសខ្លួនឯង មុននឹងទៅបន្ទោសអ្នកដទៃ។ ជាមនុស្សស្រីម្នាក់ដែលក្លាហានម្នាក់នឹងមិនបណ្តោយអោយរឿងមិនល្អទាំងនោះដក់ជាប់ក្នុងចិត្តនោះទេ។ ពីព្រោះក្នុងជីវិតរបស់មនុស្សម្នាក់ៗនៅមានបញ្ហាជាច្រើនទៀតដែលត្រូវប្រឈមមុខផងដែរ។

• បន្តរកអ្វីថ្មីមករៀន និងស្វែងយល់បន្ថែម

កុំបន្តោយអោយខ្លួនឯងនៅតែមួយកន្លែងអោយសោះ។ អ្នកមិនអាចបណ្តោយអោយយុវវ័យរបស់អ្នកនៅអង្គុយតែមួយកន្លែងសម្លឹងមើលមេឃរហូតនោះទេ។ ការពិតទៅពិភពលោកស្រស់ស្អាតជាងហ្នឹងឆ្ងាយណាស់ ចំណែកឯឥទ្ធនូក៏មានច្រើនដែរ។ ចុះហេតុអីបានជាអ្នកមិនងាកយកពេលនោះមកសិក្សាស្រាវជ្រាវរកចំណេះដឹងបន្ថែមពីកន្លែងថ្មីៗនោះ? អ្នកគួរតែចំណាយពេលឈានជើងដើរចេញមកក្រៅ ដើម្បីទទួលបានបទពិសោធន៍ថ្មីៗ។ ពីព្រោះនៅមានរឿងដែលគួរអោយចាប់អារម្មណ៍ជាច្រើនណាស់ដែលរង់ចាំស្វាគមន៍អ្នក។ ជាមួយនឹងដំណើរស្វែងរកអ្វីថ្មីនោះ អ្នកក៏នឹងទទួលបានចំណេះដឹង និងជួបជាមួយនឹងមនុស្សថ្មីជាច្រើនទៀតផងដែរ។

ប្រែសម្រួល: Viiolette